اراقب وانتظر في كل ليله
واناظر طلعتك بعد الاصليه
بقلب دقته دق الثواني
ثواني في غيابك له طويله
اسكن روع نفسي بانتظارك
اهدي قلبي الزايد صهيله
احاول اقنع الافكار تخشع
تكف اتجول وتخفف وجيله
قلبظامي للحظات السعاده
جناح الشوق يطرد في رحيله
واحاسب لحظة وصولك حياتي
عشايه من جذوره لي تشيله
ياكد لي حضورك نور وجهك
يسابق ليلي المظلم شعيله
وراني حاير عند التلاقي
وارى الملهوف ضايع مع دليله
واحس بدمعة عالخد سالت
ترحب بالفرح موق هميله
حبيبي شوفني سلمت امري
لساعاتالوصول المستحيله
واسلم مهجة هلكى حزينه
رهينه ود يا الغالي عليله
عساها تفوز في روضة جنانك
بلحظة هانيه حلوه جميله
تنسيها شقى ما فات كله
تعوض حزنها نفس جليله
بفرح ما تخالطه النكاده
بليله عن الف ليله وليله