قهويتني من ” دله الشوق ” فنجان
وغنمت لك من بيت قلبي قصيده
وكتبتني في صفحة الحب عنوان
بان العشق فالقلب ” جمره وقيده “
الحب بيت (ن) له ” درايش وبيبان “
خل الدرايش وادخل الباب ” سيده “
ﻻ خير في بيت(ن)من الساس خربان
متخلع اركانه ////// مصدى حديده
تسري لنا اﻻخبار من خلف حيطاااان
صيحات مصلوبه ف ليلة مكيده
الذيب ما هرول على شان قطعان
هرول ﻻجل ياااااااخذ غنيمه جديده
اسمع بني ادام وخليك فهمااااااان
هذا كلام (ن) قيل قبلي،،، اعيده
( من هو يدين ف يوم ﻻبد يندان )
بتجيه من ضرب القرايب شديده
لو هي حياتك بنك / وحسابك انسان
خلي فعوووول الخير تملى رصيده
هذي قصيده مغلفه بكان ما كان
( قصه جرح ) ماله طبيب( ن )يفيده
مفتوح للعالم على ~~ شكل فنجان
بس قهوته مره //// وناره وقيده
خليفه الصائغ
