سلامي عليكم | الشاعر نبهان الصلتي

الشاعر نبهان الصلتي

سلامي عليكم يا عرب واقـطعوا التصوير
لأني اخـاااف تفيض من رمشي احزاني

ولأني اخاف يضيق في شخصي التقدير
وانا اللي بنيت لهااامتي ساس قيفاني

كذا جيت وانفااس الشعر تسبق التعبير
على شاااان امسح بالغلا تربة اوطاني

جلست ولحقني طايل الظلم والتكفير
وقفت وتردد بالمدى صوووت خذلاني

وانا اللي بنيت امجاد ما تقبل التصدير
وانا اللي بديت اعـلّم الطيب جيراني

وانا اسمي كبير وقبلما يفرض التكبير
ولكن رضيت بقسمة الحظ لـ اخوااااني

عماني ملى صدر الفضا بالعماني غير
سما /واكتفى بالفخر لا قالوا "عماني"

على اسم ارضٍ زاخره بالعطا والخير
روت من منااابع فيضها قاصي وداااني

عشـقنا ثراااها .. وارتويـنا بنفس البير
ونلنا سمااااهاااااا كلنا يدفع الثــاني

وإذا بنا نعمّر ماااا وقفنا على التعمير
مضينا نســطّر بالوفاااا خط ديواااااني

وإذا جااا كسـير المرجله ودّه التجبير
ترااا كسرها صعبٍ ولا ينجبر ثااااني

على هامش الشهره توكّأ على التشهير
لقى مجد شعب يحركه فكر سلطاااني

بدا بالصراااخ وحيلة الكذب والتزوير
تطاول على اعظم من ملك قلب انساني

وريث الصحابه بالعدل للمعالي طير
وفيّ المبادي للكرم جووود ربّاني

حكيم العرب واحكم إذا يصدق التعبير
الى من طريته .. اتقي حرّ نيراااااااني

تريّث مكانك واسمع بصوتي التحذير
وقيس المسافه بينك وبين ازماااااني

عظيمٍ بعيني دونماااا شرح او تفسير !!
وإذا اهلك نسوا لحظه يربوك ربّاني