أحبك موت للشاعرة أسوار صور

أحبك موت وش أكثر من أني لو أحبك موت

سوى أني أموت ولا أناظر في غيابك شيّ

سوى أني أشوف الصبح يتوسلك ودّه يفوت

يعانق نبض أحشائك ويشعر في وجودك حيّ

يا عْمري بس يجي صوتك تفزّ روحي: فديت الصوت!

فديت عيونك الحلوين تتراقص وسط هالضيّ

أمانه بس تمر فيني تصحي نفسي المكبوت

أحسّ بْضيقة الدنيا على صدري وحضني شويّ

حبيبي ما سوى غيرك يلملم سكري المفتوت

يطيح وعمره الفاني ينادي لك أخاف الميّ

حبيبي هاك سكيني وخل اسمك كذا منحوت

على قلبي يمر في دم شراييني إلى يدّي

فديت حروفك.. يدينك، تناظرني كما المبهوت

وش أحلى من نظر روحك يطالعني شرات الكيّ؟!