لهفة لقا للشاعرة أسوار صور

متأكدةْ إنّ الجنون اللي اعتراها مب جنون

ما هي سوى لهفة لقا، بس المشاعر لخبطه

متشوّقه كيف العيون اللاهفة تحضن عيون

كيف انها ممكن تجازف ترتمي متساقطة

كيف انها مطّمنه أنّ الأيادي ما تخون

تفرد حشاها للمشاعر لو مشاعر محبطه

متمكنه، الله عطاها من الصبر قلبٍ حنون

تأخذ قسى بعض المواقف بابتسامةْ مفرطه

متبسّمةْ، ما همّها لو عاتبوها وجرّحون

تسقط دمعها من فرح، بس الوفا ما تسقطه