ملامح صداقتنا للشاعرة أسوار صور

ملامحنا صداقة عمرنا القادم وضحكتنا

تشابك إيدينا فْآخر قصيدة حبّ يا صاحبتي

نلملم بؤسنا صبحٍ نثر نوره فشوارعنا

ولمك وردةٍ حمراء مْبين احضان مزهرتي

"يـ" أناي اللي إذا ثارت على بهجة مدامعنا

"يـ" أناي اللي إذا طاحت مبين الروح وأوردتي

تعالي أدخلي عْظامي، خذي أخبار سيرتنا

ذري عطر المسا أوراق خبيتك "فـ" مكتبتي

أبا أقراااك.. لا، عفوا ! أبا أقرا معالمنا

تعرفي لا كتبني الحرف آثرتك على صمتي

مثل ما تشتهي عيني لطعم النوم بسمتنا..

تزج بْروحها وتموت لا من قلت ملهمتي

كذا طعم الحنان يغار من ثغرك يسكّرنا

كذا يرجف وطن منفاك ثلج ونار لا بنتي

تعلمتك قلم وأشعار شخبطتك "فـ" دفترنا

تعلمتك نشيد الحبّ في ساحات مدرستي

أطالع فوق ويرفرف علمنا في مدامعنا

وصفّق لك بكل فخري.. عليك الله شاعرتي