عرق ميّت للشاعرة أسوار صور

وانا اللي عارفه أصلا ثماري ما سوى تجني

يباسٍ حالكٍ أغبر، بلا جذرٍ كذا يطلع

رغم وعيي بأنّ الغصن لا منّه كبر يحني

وعمر العمر لا منّه مضى يستحلف ويرجع

سنينٍ والشمس تنعس على ظلّي ولكنّي

حسبت حْساب هالوقت اللي مابه أذنٍ وتسمع!

أطيح الواقفة ويذرى على كفن العمر حزني

ويثمر للحزن شوكٍ سمومٍ للجسد توجع

أسافر للأرض، وأدري حياتي ميتة منّي

أعايش واقعي المؤلم، حقيقة ما حصل يفجع

أنا ضيّعت نفسي في سؤالٍ من يوجّهني؟

نسيت بْلحظة عمق الدعاء في لحظةٍ تخشع!

بياضٍ منتحر نبضه على ضلع الأنا /يعني..

أنا أصلا عرق ميّت محالٍ لو جُرح يدمع!