كثّر إزعاجك للشاعرة أسوار صور

إذا أنته بتزعجني إذن غيرك وش يسوون؟

وإذا الإزعاج عاجبني أمانة كثّر إزعاجك

تصدّق ضايقوني كثير مثل ما شالوا يحطون

ولأنك قلت لي مرة إذا ضقتي أنا علاجك

طلبتك هاك خذني بعيد عالجني وهم يدرون

إذا ما شالني العاصف ترى بيشيلني عجاجك

يشتتني وسط دمك يلوني غلا هاللون

بس اتلوّن كذا مشهد أجي كلي لإبهاجك

حبيبي تذكر الكلمة صلاةٍ لحظة يصلون

بلحظة قلت ادعي لي ترى والله محتاجك

أنا من يومها أدعي بقلبي الحاني المجنون

يا ربي يكثر إزعاجك.. يا ربي يكثر إزعاجك!